Taldyqorǵanda 31 jastaǵy turǵyn aqsha salynǵan termınaldy urlap ketken
TALDYQORǴAN.QazAqparat - Taldyqorǵanda 31 jastaǵy turǵyn termınal urlap, ishindegi aqshasyn qoldy qylǵan. Polıtsııa qyzmetkerleri ustalǵan azamattan tólem termınaly men aqshanyń bir bóligin tárkiledi, - dep habarlaıdy QazAqparat tilshisi.
20 mamyr kúni Taldyqorǵan qalasynyń Shyǵys qalalyq polıtsııa basqarmasynyń kezekshi bólimine oıyn-saýyq ortalyqtardyń birinde ornalasqan tólem termınalynyń urlanǵandyǵy týraly habar kelip túsken. Atalǵan derek QR QK 188-b. 1-b. sáıkes sotqa deıingi tergeýdiń biryńǵaı tizilimine tirkeldi.
«Osy is boıynsha izdestireý sharalarynyń barysynda Sarqan aýdanynyń 31 jastaǵy turǵyny ustaldy. Kúdiktiden urlanǵan termınal jáne sol apparattan alynǵan aqshadan qalǵan eki júz myń teńgeden astam kólemdegi aqsha tárkilendi. Kúdikti urlyq jasaǵanyn tolyq moıyndady. Termınaldy jalǵyz dalaǵa shyǵaryp alǵan ol, ony ózi toqtatqan taksıge tıep, jaldamaly páterge aparǵan. Taksı júrgizýshisine termınaldyń onyń menshigi ekenin jáne ony basqa jerge aparatynyn túsindirip jetkizgen. Jaldamaly páterde qolda bar quraldardyń kómegimen termınaldyń aqsha salynǵan bóligin syndyryp, aqshanyń kóbin óz qajettine jumsaǵan, al qalǵany tárkilendi», - dedi Taldyqorǵan qalasynyń polıtsııa basqarmasynyń bastyǵy Asqar Nýrsapa.
Ustalǵan azamattyń buryn 2012 jyly qaraqshylyq jasaǵany úshin sotty bolǵany anyqtaldy. QR QІJK 128-babyna sáıkes kúdikti ýaqytsha ustaý oqshaýlaǵyshyna qamaqqa alyndy.
