Taldyqorǵanda 30 jastaǵy ury əıel tutqyndaldy
TALDYQORǴAN. QazAqparat - Taldyqorǵan polıtseıleri qalanyń saýda úıleri men bazarlarynda turaqty túrde urlyq jasap júrgen 30 jastaǵy áıeldi qolǵa túsirdi, dep habarlaıdy Qazaqparat tilshisi.
Almaty oblystyq ІІD baspasóz qyzmetiniń málimdeýinshe kúdikti qazir qamaýǵa alyndy. Ol dúkende jalpy quny 356 myń teńge turatyn birneshe aıaq kıim urlaǵannan keıin tabyldy.
Urlanǵan zattarmen azamatsha qala beınekameralaryna túsip qalǵan. Qalalyq ІІB tártip saqshylary áıeldiń jyl basynan beri saýda oryndarynda jasalǵan taǵy 4 tonaý faktisine qatysy bar ekenin dáleldep berdi. Kúdikti budan buryn da osyǵan uqsas qylmystary úshin jaýapqa tartylǵan bolatyn. 5 dáleldengen fakt boıynsha kúdikti áıelmen urlanǵan múliktiń jalpy quny 1 mln. teńgeden astam somany quraıdy.
Qazirgi tańda ol QR QPK 128-babyna sáıkes qamaýǵa alyndy. Tártip saqshylary kúdiktiniń basqa da tonaý faktilerine qatysy bolýy múmkin degen pikirmen tergeý jumystaryn jalǵastyrmaq.
