Taldyqorǵanda 3 kúnde 14 adam qyzylshamen aýrýhanaǵa tústi
TALDYQORǴAN.QazAqparat - Sońǵy úsh táýliktiń ishinde Taldyqorǵannyń óńirlik juqpaly aýrýlar aýrýhanasyna 14 adam qyzylsha dertimen tústi. Onyń 12-i - balalar, dep habarlaıdy QazAqparat tilshisi.
Aýrýhananyń bas dárigeri Baýyrjan Saýranbaevtyń aıtýynsha, naýqastardyń jaǵdaıy ortasha qalypty.
«Qyzylshanyń asqyný jaǵdaılary tirkelgen joq. Klınıkalyq túrde qyzylsha dep qoıyldy. Analızderi tolyqtaı tekserilgennen keıin dıagnozy naqtylanady. Dúrligýge negiz joq. 100 oryndyq aýrýhanada oryn bar», - dedi Taldyqorǵan óńirlik juqpaly aýrýlar aýrýhanasynyń bas dárigeri Baýyrjan Saýranbaev.
