Taldyqorǵanda 24 jastaǵy júrgizýshi elektr baǵanyna soǵylyp mert boldy
TALDYQORǴAN. QazAqparat - Taldyqorǵanda 24 jastaǵy kólik júrgizýshi elektr baǵanyna soǵylyp, aýrýhanaǵa jetpeı mert boldy, dep habarlaıdy QazAqparat tilshisi.
Jantúrshigerlik kólik apatynyń vıdeosy áleýmettik jelige tarady.
Almaty oblystyq polıtsııa departamenti baspasóz qyzmetiniń málimetinshe, oqıǵa 24-qazan kúni túngi saǵat 22:18 kezinde bolǵan.
«Anyqtalǵandaı, 24 jastaǵy «Toyota Camry» kóliginiń júrgizýshisi Qonaev kóshesimen shyǵys baǵytta kele jatyp, rýlge ıe bola almaı, elektr baǵanyna soǵylǵan. Saldarynan júrgizýshi aýrýhanaǵa jetpeı kóz jumdy. 22 jastaǵy jolaýshy qyz bala túrli dene jaraqatymen aýrýhana tústi»,- delingen vedomstvonyń habarlamasynda.
Qazir atalǵan fakti boıynsha QR QK 345-baby 3-bóligine sáıkes tergeý júrip jatyr.
