Taldyqorǵanda 23 jastaǵy júkti áıelden koronavırýs anyqtaldy
TALDYQORǴAN. QazAqparat - Almaty oblysynda COVID-19 ınfektsııasy taǵy 8 adamnan anyqtaldy. Onyń 5-eýi – Taldyqorǵan qalasynda, 3-eýi Alakólde tirkeldi, - dep habarlaıdy QazAqparat tilshisi.
Almaty oblysy ákiminiń baspasóz qyzmetiniń málimetinshe, 2007, 1981, 1981, 1993, 2018, 2016, 1990 jylǵy azamattar buryn koronavırýs ınfektsııasymen aýyrǵan adammen baılanysta bolǵan, al 1997 jylǵy júkti áıeldiń naýqasy profılaktıkalyq tekserýden ótý barysynda belgili bolǵan. Taldyqorǵandyq áıel júktiliktiń 29-shy aptasynda.
Naýqastardyń barlyǵy osyǵan deıin oqshaýlanyp, qazirgi ýaqytta juqpaly aýrýlar bólimine aýystyryldy. Epıdemıologııalyq tekserý jumystary júrip jatyr.
Jalpy, Almaty oblysynda koronavırýs ınfektsııasyn juqtyrǵan jalpy 361 adam tirkelgen, onyń 182-si tolyqtaı emdelip shyqty.
Al 14 mamyrda alǵash koronavırýs tirkelgen Taldyqorǵan qalasynda indetti juqtyrǵandar sany 83 adamǵa jetti.
