Taldyqorǵanda 22 jastaǵy jigit aǵasyn birneshe jerden pyshaqtap tastaǵan
TALDYQORǴAN. QazAqparat- Taldyqorǵanda 22 jastaǵy turǵyn aǵasyn birneshe jerden pyshaqtap tastaǵan. Ustalǵan kúdikti psıhonevrologııalyq dıspanserde esepte turǵan, dep habarlaıdy QazAqparat tilshisi.
«11 maýsym kúni Taldyqorǵan qalasyndaǵy kópsalaly aýrýhanaǵa 47 jastaǵy azamat kóptegen pyshaq jaraqatymen túsken. Taldyqorǵanǵa qarasty Ótenaı aýylynyń turǵynyn óziniń inisi pyshaqtaǵan. Tekserý barysynda 22 jastaǵy kúdiktiniń psıhonevrologııalyq dıspanserde esepte turǵany anyqtaldy»,- dep málimdedi Almaty oblystyq polıtsııa departamentiniń baspasóz qyzmetinen.
Qazir osy fakti QR QK 106 baby 1 bóligi boıynsha tirkelip, sotqa deıingi tergeý júrip jatyr.
«Ózge aqparat tergeý qupııalyǵyna baılanysty jarııalanbaıdy»,- dep tolyqtyrdy atalǵan vedomstvonyń baspasóz qyzmetinen.
