Taldyqorǵanda 17 polıtsııa qyzmetkeri tártiptik jaýapkershilikke tartyldy

Attestatsııadan ótpeı qalǵan 5 qyzmetker jumysynan bosatyldy. 1 adam jumystan shyǵaryldy. Al qala  kóshelerindegi beınebaqylaý kameralarynyń kómegimen 10 myńǵa jýyq ákimshilik quqyq buzýshylyq faktileri tirkelip, ashyldy. Taldyqorǵandaǵy qylmystyq ahýal qalypty. Jalpy kórsetkish boıynsha, qylmystar sany azaıǵan. Biraq, buryn isti bolǵan azamattar men mas kúıinde zań buzýshylardyń qatary kóbeıip otyr. Bul týraly halyq aldynda 9 aıdyń qorytyndysy boıynsha esep bergen Taldyqorǵan qalasynyń Jergilikti polıtsııa qyzmetiniń bastyǵy, polıtsııa polkovnıgi Talǵat Bázıev málimdedi.

Taldyqorǵan qalalyq  jergilikti polıtsııa qyzmetinde shtattyq birlikke sáıkes 212 qyzmetker  jumys atqarady. Onyń ishinde  ýchaskelik polıtsııa bólimshelerinde  - 55, jol-patrýldik polıtsııa rotasynda - 101,  ıývenaldy  polıtsııa tobynda  -  23,  qabyldap-taratý ortalyǵynda  - 18, áıelderdi zorlyq-zombylyqtan qorǵaý bólimshesinde - 1, apparatta 15 adam.  Qala aýmaǵynda barlyǵy 7 ýchaskelik pýnkt iske qosylǵan, onyń 2-ýi aýyldyq okrýgterde ornalasqan.

JPQ bastyǵynyń aıtýynsha, esepti kezeńde qala boıynsha 3471 qylmys tirkeldi. Bul kórsetkish byltyrǵy jylmen salystyrǵanda 180 qylmysqa joǵary, biraq, bul rette qylmys quramy boıynsha aýyr jáne asa aýyr qylmys jasaý 289-dan 263-ke azaıǵan.