Taldyqorǵanda 16 ana men 16 qyz bala saıysqa tústi
Balabaqsha tárbıelenýshileri men olardyń analary birigip qatysatyn doda qala kúni qarsańynda dástúrli túrde ótkizilip turady. Basty maqsat ana men balanyń belsendiligin arttyryp, balabaqsha tynys-tirshiligine etene aralastyrý. Anasy men balasyn sahnaǵa shyǵaryp, olardyń boıyndaǵy ónerin halyqqa pash etý. Bul jolǵy saıysta da analar baldyrǵandarymen birge bar ónerlerin ortaǵa saldy. Ándi de aıtty, bıdi de bıledi. Kıim úlgilerin de kórsetti.
«Qyzym Jánııa ekeýimiz №4 balabaqshanyń atynan qatystyq. Mundaı aýqymdy baıqaýda birinshi ret baǵymyzdy synap turmyz. Barlyǵy da óte joǵary daıyndyqpen kelgen. Sońǵy eki kúnde kóz ilmesten, jarysqa daıyndaldym. Kórsetilimge qaǵazdan jasalǵan kóılek kıip shyqtyq. Ony ózim qoldan jasadym. Qııalǵa erik berý kerek, ushqyr oı da kerek árıne. Eńbegimiz baǵalandy», - deıdi baıqaýdyń birinshi oryn ıegeri Rýfına Ibraeva.
Al osy saıystyń bas júldesi №42 balabaqshaǵa buıyrdy. Aıta ketý kerek, búgin 172 myńǵa jýyq turǵyny bar Taldyqorǵan qala kúnin sán-saltanatpen atap ótti. Merekeni jastarǵa arnalǵan bı keshi men otshashý qorytyndylaıtyn bolady.
