Taldyqorǵanda 15 jasar jetkinshek on kúnnen beri tabylmaı jatyr
TALDYQORǴAN. QazAqparat - Taldyqorǵanda 15 jasar jetkinshek on kúnnen beri tabylmaı jatyr, dep habarlaıdy QazAqparat tilshisi.
Taldyqorǵan qalalyq polıtsııa basqarmasy 2005 jyly týǵan Ádilet Maqsatuly Núsipbaevqa izdeý jarııalaıdy. Ol 12 tamyzda úıinen belgisiz baǵytta ketip, qaıtyp oralmaǵan.
Joǵalǵan balaǵa tán belgiler: boıy - 160-165 sm, dene bitimi ortasha, kelbeti - azııalyq, óńi ashyq, shashy qysqa, kózderi qara-qońyr, betinde kishkentaı týa bitken daqtar bar.
Ústine kók tústi sporttyq trıko, qara tústi fýtbolka jáne qońyr tústi jeńil aıaq kıim kıgen.
Jasóspirim nemese onyń mekenjaıy týraly qandaı da bir aqparat bolsa, myna telefondarǵa habarlaýǵa bolady: 8 (7282) 608066, 8-707-971-89-23 nemese 102.
Qazirgi ýaqytta jasóspirimdi izdeý jumystaryna Taldyqorǵan qalasy PB jeke quramy, jaqyn ornalasqan qalalar men oblystyń polıtsııa organdarynyń bólimsheleri, sondaı-aq eriktiler men qoǵam ókilderi jumyldyrylǵan.
