Taldyqorǵanda 100-ge jýyq qurylysshy eńbekaqylaryn ala almaı júr
TALDYQORǴAN.QazAqparat-Taldyqorǵanda «Kottedjdi qalashyqtyń» qurylysyn júrgizip jatqan 97 adam eńbekaqylaryn ala almaı júr, dep habarlaıdy QazAqparat tilshisi.
Taldyqorǵanda «Kottedjdi qalashyqtyń» qurylysshylary úsh aıdan beri jalaqysyz otyrǵandaryn aıtady. Bir-bir otbasynyń asyraýshylary bala-shaǵasynyń qamy úshin qurylys basynda túnep, qystyń qara sýyǵynda jumys istep, mańdaı termen tapqan eńbekaqylaryna qol jetkize almaı otyrǵandaryna kúıinedi. 100-ge jýyq qurylysshynyń kóbi Oral, Shymkent syndy Qazaqstannyń ózge óńirlerinen jumys izdep kelgender eken.
«Osy jerdegi barlyq jumysshylardyń bireýiniń balasy osy meıramǵa shyǵa almady. Osy janyma qatty batty. Men ózim Oraldan keldim. Myna jerden 3500 shaqyrym. Aqshamdy ala almaǵyn janyma batady», deıdi Oral qalasynyń turǵyny Jiger Jolaev.
Al qurylysty júrgizip jatqan «MK-build-D» merdiger kompanııasynyń prorabymyn dep ózin tanystyrǵan Rysbaı Qusaıynov esimdi azamat qurylysshylardyń shaǵymy oryndy deıdi.
Aıtýynsha, atalǵan seriktestiktiń 97 jumysshy aldynda 9 mıllıon teńgeden astam bereshegi bar. Sózderinshe, taprysty bergen Taldyqorǵan qalasynyń ákimdiginen qarajat bólinbeı jatyr. Al tapsyrys bergen Taldyqorǵannyń ákimdigi sáýir aıynyń basynda aqsha bólinedi dep sendirdi. Biraq ne sebepti qarajattyń ýaqtyly bólinbeı jatqanyn túsindirmedi. Aıta ketý kerek, kottedj qalashyqtaǵy baspanalardyń qurylysy «Nurly jer» baǵdarlamasy aıasynda júrgizilip jatyr.
