Taldyqorǵanda 100-den asa jaıaý júrginshi aıyppul tóledi
TALDYQORǴAN. QazAqparat - Taldyqorǵanda «Jaıaý júrginshi» jedel-aldyn alý sharasy aıasynda jol erejesin saqtamaǵan 100-den asa turǵynǵa hattama toltyryldy. Olardyń qatarynda júrgizýshiler men jaıaý júrginshiler bar, dep habarlaıdy QazAqparat tilshisi.
«Jaıaý júrginshige jol bermegen kólik júrgizýshisine 10 AEK kóleminde aıyppul salynady. Al, endi jaıaý júrginshiler belgilenbegen jerden ótip, ıaǵnı jol erejesin buzǵan jaǵdaıda olarǵa 615-babtyń 1-tarmaǵy boıynsha 5 AEK kóleminde aıyppul kózdelgen», - dedi qalalyq ІІB jol polıtsııa qyzmetiniń aǵa ınspektory Qumar Smaılov.
«Jaıaý júrginshi» jedel-aldyn alý sharasyna shahardan 30-dan asa jol polıtsııa qyzmetkeri jumyldyryldy. Olar halyq kóp shoǵyrlanǵan aýmaqta túsindirme jumystaryn júrgizdi. 300-ge jýyq jadnama taratyp, halyqty jol júrý erejesin saqtaýǵa shaqyrdy. Jalpy tártip saqshylarynyń aqparatyna sáıkes, Taldyqorǵanda jyl basynan beri 23 jol-kólik oqıǵasy tirkelgen. Saldarynan 1 adam qaza taýyp, 30-y jaraqat alǵan. Jol polıtsııalarynyń málimetinshe, aldyn alý is-sharasy oń nátıje berip otyr. Máselen, byltyrǵy kórsetkishpen salystyrǵanda jol-kólik apaty 10 paıyzǵa tómendedi.
«Júrgizýshiler jolda belgilengen jyldamdyqpen júrýi qajet. Baǵdarshamda qyzyl janǵanda júrip ketpeýi tıis. Bul aıtylǵan eskertýler jaıaý júrginshilerdiń qatysýymen oryn alatyn apattardyń alyn alady. Al jaıaý júrginshiler joldy ruqsat etilmegen jerden ótpeýi qajet. Osy áreket sońy qaıǵyly jaǵdaıǵa ákeledi. Sondyqtan jol júrý erejelerine saq bolyńyzdar!», - dedi Taldyqorǵan qalalyq ІІB JPQ ınspektory Aıbek Musaǵalıev
