Taldyqorǵanda 10 jezókshe ustaldy
TALDYQORǴAN. QazAqparat - Taldyqorǵanda polıtseıler arnaıy reıd barysynda 10 jezóksheni ustady. Tánin saýdaǵa aınaldyrǵandardyń 6-y kórshi eldiń azamatshalary bolyp shyqty, dep habarlaıdy QazAqparat tilshisi.
Sondaı aq osy iske tikeleı qatysy bar degen kúdikpen qaladaǵy qonaq úılerdiń biriniń jáne saýnanyń qyzmetkerleri qolǵa tústi. Qazir olardyń ústinen QR Qylmystyq kodeksiniń 309-babyna sáıkes is qozǵaldy. Polıtseılerdiń málimetinshe, sheteldik azamatshalar Qazaqstanǵa qyrkúıek aıynyń sońyna taman kelgen. Tánin saýdalaýdy maqsat etken olar Qazaqstannan deportatsııalanatyn bolady. Qazir máseleniń anyq-qanyǵy anyqtalǵansha olar qamaýǵa alyndy.
Aıta ketý kerek, oblystyq ІІD-nyń Uıymdasqan qylmysqa qarsy kúres basqarmasy uıymdastyrǵan arnaıy reıdke SPID ortalyǵynyń mamandary da qatysýda. Olar ustalǵan jezókshelerdiń analızderin alyp, arnaıy tekseristen ótkizýde.
