Taldyqorǵanda 1-shi toptaǵy múgedekter júrgizýshi kýáligin aldy

Mamandardyń aıtýynsha,  mundaı azamattar oblysymyzda alǵash ret arnaıy qujatqa ıe bolyp otyr. ıAǵnı, búginge deıin tek 2-3 toptaǵy múgedekterge júrgizýshi kýáligi berilse, birinshi toptaǵylardyń qoly endi jetken, dep habarlaıdy QazAqparat tilshisi.

«Kólik júrgizý kýáligin alýda múgedekter úshin esh jeńildik joq. Ózgeler sekildi medıtsınalyq tekserýden ótip, is-tájirıbeleri men teorııalyq bilimderi synalady. Tek kezeksiz qyzmet kórsetiledi», - deıdi oblystyq  halyqqa qyzmet kórsetý ortalyǵynyń bas mamany Aına Faızýldına.

 Múmkindigi shekteýli jandar tizgindeıtin kóliktiń ereksheligi qolmen basqarý júıesi bolyp otyr. Zaýyttarda arnaıy  qurylǵyny ornatý quny 800 dollar turady eken. Al, mundaı júıesi bar kólikter ókinishke oraı Taldyqorǵanda sanaýly. Shaharda qolmen basqarý júıesi bar kóliktiń 15-i ǵana bar. Olardaǵy basqarý quraly zaýyttiki emes, qoldan qurastyrylǵan. Bul az,- deıdi  «Erlik» múgedekter qoǵamynyń tóraıymy Roza Aqjarkenova.  

Alǵa qoıǵan maqsatyna qol jetkizip, kólikti tizgindeýge otyrǵan jandardyń biri Elmıra Smaǵulova men Roza Aqjarkenova.  Olar 1-shi toptaǵy múgedekter. Arbaǵa tanylǵan jandar  aldaǵy ýaqytta arnaıy qurylǵysy ornatylǵan kólikter sany Taldyqorǵanda  kóbeıse dep tileıdi.