Taldyqorǵan jylytý maýsymyna 90 paıyz daıyn
TALDYQORǴAN. QazAqparat - Taldyqorǵandy qys mezgilinde jylýmen 9 qazandyq qamtamasyz etedi. Olardyń eń úlkeni - saǵatyna 289 Gkal jylý energııasyn óndiretin «Basqýat» qazandyǵy. Qalanyń 80 paıyzyn jylýmen qamtıdy. Munda qazirgi kezde kúrdeli jóndeý jumystary júrgizilip, bý jáne sý qazandyqtary jańartylyp jatyr, dep habarlaıdy QazAqparat tilshisi.
Qala aýmaǵynda 170 shaqyrymnan astam magıstraldi jylý júıesi bar. Bıyl sonyń 10 shaqyrymnan astamyn aýystyrý josparlanǵan. 10-15 kúnniń ishinde jumystar tolyq aıaqtalmaq.
Taldyqorǵannyń jylý maýsymyna daıyndyǵy qazirgi kezde 90 paıyzdy qurap otyr.
«Taldyqorǵan jylý servısi» KMK basshysy Manarhan Ahymbekovtyń aıtýynsha, qajetti kómir qory jasaqtalǵan. 15-qazanǵa deıin 45 myń tonna kómir bolýy kerek. Qazir onyń jartysynan astamy kelgen. Al jalpy, 9 qazandyq úshin bir jylǵa 200 myń tonnadan astam kómir qajet. Onyń barlyǵy bekitilgen kestege saı jetkizilmek.
