Taldyqorǵan: Jasóspirimder kólik urlaýmen aınalysty degen kúdikke ilindi
TALDYQORǴAN. QazAqparat - Taldyqorǵan qalasynyń polıtseıleri birneshe kólik urlyǵy men kólik tonaý áreketiniń betin ashty. Qazirgi tańda olardy qaladaǵy kolledjderde bilim alyp júrgen 4 jasóspirim jasaýy múmkin degen kúdik keltirilip otyr, dep habarlaıdy QazAqparat Almaty oblystyq Polıtsııa departamentiniń baspasóz qyzmetine silteme jasap.
Baspasóz málimetterine qaraǵanda, 4 jasóspirim qańtar aıynyń basynda habar-osharsyz joǵalyp ketken. Jaqyn kúnderi olardy Shymkent qalasynan ustady. Jasóspirimderdiń biri úıinen buǵan deıin de ketip qalatyn bolǵan, ony tipti jasaǵan quqyqbuzýshylyqtary birneshe márte polıtsııaǵa da aparǵan.
«Jasóspirimderge izdeý salynǵany jóninde habar búkil Qazaqstan boıynsha taratyldy. Sonymen qatar olarǵa halyqaralyq deńgeıde de izdeý jarııalandy. Aqyry olar Shymkent qalasynan tabyldy. Jasóspirimderdi Taldyqorǵanǵa jetkizgen soń olardyń qala aýmaǵyndaǵy birneshe qylmysqa qatysy bar ekendigi belgili boldy. Naqtyraq aıtqanda olarǵa 2 kólikti aıdap áketip, 3 kólikti tonaǵan degen kúdik keltirilip otyr»,-dep habarlady polıtsııa ókilderi.
Sondaı-aq baspasóz qyzmeti osy oqıǵalar boıynsha materıaldardyń sotqa daıyndalyp jatqandyǵyn aıtty.
