Taldyqorǵan jáne Oral qalalary «OŃAI» júıesin engizýge qyzyǵýshylyq tanytyp otyr - Sadır Hamraev
ALMATY. QazAqparat - Taldyqorǵan jáne Oral qalalary «OŃAI» júıesin engizýge qyzyǵýshylyq tanytyp otyr. Bul týraly «ASTEX Astana Smart City 2016: «aqyldy qala» baqytty ómir úshin» atty Halyqaralyq forým-kórmesi aıasynda «Almaty qalasynda elektrondy bılet júıesin engizýdegi tájirıbe. Basqa qalalarǵa «OŃAI» júıesin engizý múmkindikteri» taqyrybynda ótken dóńgelek ústelde «Almaty qalasy kólik holdıngi» JShS-niń ýaqytsha atqarýshy dırektory Sadır Hamraev aıtty, dep habrlaıdy «QazAqparat».
«Almaty qalasynda «OŃAI» júıesi bir jyl ishinde engizilip, sátti ári tolyqqandy jumys jasap otyr. Búgingi tańda Taldyqorǵan jáne Oral qalalarynyń ókilderimen kelisimsharttar júrgizilip, atalǵan qalalarda jolýshylardy tasymaldaý salasyna júıeni engizýdiń egjeı-tegjeıi qarastyrylyp jatyr », - dedi ol.
Atalǵan forým-kórme Qazaqstan Respýblıkasynyń Aqparat jáne kommýnıkatsııalar mınıstrligi, Astana qalasy ákimdigi, «Zerde» Ulttyq aqparattyq-kommýnıkatsııalyq holdıngi» AQ, «Astana-Innovations» AQ uıymdastyrýymen ótti.
