«Taldyqorǵan – Úshtóbe» trassasyndaǵy jol apatynda 8 adam zardap shekti
NUR-SULTAN. QazAqparat - «Taldyqorǵan – Úshtóbe» trassasynda eki mashına soqtyǵysty. Polisia.kz saıtynyń málimetinshe, zardap shekkenderge asyqqan medıtsınalyq brıgada kóligi de apatqa ushyraǵan, dep habarlaıdy QazAqparat silteme jasap.
Jol apaty 19 tamyz kúni keshke «Taldyqorǵan – Úshtóbe» tasjolynda boldy. Gazel men Nissan avtokólikteri soqtyǵysqan.
«Jeńil avtokóliktiń salonynda bes eresek jáne úsh bala bolǵany anyqtaldy. Zardap shekkenderdiń barlyǵy aýrýhanaǵa jetkizildi», - delingen polıtsııa habarlamasynda.
Málim bolǵandaı, oqıǵa ornyna asyǵyp kele jatqan jedel járdem brıgadasy da jeńil avtokólikpen soqtyǵysyp, jol apatyna ushyrady.
«Bul jol apatynda zardap shekkender joq. Tek kólikterge zalal kelgen», - dedi polıtsııadan.
