Taldyqorǵan-Úshtóbe tas jolynda eki kólik soqtyǵysyp, júrgizýshiler mert boldy
TALDYQORǴAN. QazAqparat - Taldyqorǵan-Úshtóbe tas jolynda eki kólik soqtyǵysyp, júrgizýshiler mert boldy, - dep habarlaıdy QazAqparat tilshisi.
Almaty oblystyq Polıtsııa Departamenti baspasóz qyzmetiniń málimetinshe, oqıǵa búgin keshki saǵat 19:15 shamasynda bolǵan.
Taldyqorǵan-Úshtóbe tas jolynyń 41 shaqyrymynda «Toıota Karına» jáne «Aýdı 80» kólikteri betpe-bet kelip soqtyǵysqan. Apat saldarynan eki kóliktiń de júrgizýshisi mert boldy. Sondaı-aq «Toıota Karına» kóliginiń 4 jolaýshysy túrli dene jaraqatymen Úshtóbeniń aýrýhanasyna túsken. Atalǵan fakti boıynsha QR QK 345 baby 4 bóligine sáıkes qylmystyq is qozǵaldy, tergeý júrip jatyr.
