Taldyqorǵan-Úsharal -Taldyqorǵan reısi iske qosyldy
TALDYQORǴAN. QazAqparat - «Jetisý» áýekompanııasy« AQ-nyń kestesine sáıkes búgin Taldyqorǵan-Úsharal-Taldyqorǵan baǵytyndaǵy ushý reısiniń maýsymy bastaldy, dep habarlaıdy QazAqparat tilshisi.
Alǵashqy reıste L-410 ÝVP-E20 ushaǵymen ushqan jolaýshylar Alakól aýdanyna qarasty «Úsharal« áýejaıyna kelip qondy.
Qazirgi karantın rejımine baılanysty áýejaıda sanıtarlyq talaptar qatań saqtalǵan.
Ushyp kelgen jolaýshylarǵa barlyq qaýipsizdik sharalaryn saqtaı otyryp, Alakól aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń qyzmetkerleri tarapynan teplovızormen dene qyzýlary ólshenip, anketa toltyrylyp otyrady.
Áýejaıda betperde kıip júrý rejımi qatań saqtalǵan.
Búgingi kúnge Taldyqorǵan-Úsharal-Taldyqorǵan baǵytyndaǵy ushaqtar kúndelikti saǵat 10.00-11.00, 10.30-11.30 ýaqyttarynda qatynaıdy. Bılet quny 8.000 teńge.
Al, Nur-Sultan - Úsharal- Nur-Sultan jáne Almaty-Úsharal-Almaty baǵyttaryndaǵy áýe reısteri aǵymdaǵy jyldyń 25 mamyrynan bastap ushady.
