Taldyqorǵan-Úsharal baǵytynda gaz qubyryn tartý kerek - Memleket basshysy

TALDYQORǴAN. QazAqparat – «Taldyqorǵan - Úsharal» baǵytynda gaz qubyryn tartý kerek. Memleket basshysy Qasym-Jomart Toqaev Jetisý oblysynyń jurtshylyǵymen kezdesýinde Úkimetke osy jobany qarjylandyrýdy tapsyrdy, dep habarlaıdy QazAqparat Aqordaǵa silteme jasap.

«Qazir kógildir otyn oblys turǵyndarynyń 10 paıyzyna ǵana qoljetimdi. «Almaty - Taldyqorǵan» magıstraldi gaz qubyry salynyp, oblys ortalyǵyna gaz tolyq berildi. 2025 jylǵa qaraı Kerbulaq aýdanynan Taldyqorǵan qalasynyń mańyna deıin barlyq eldi mekendi gazben tolyq qamtamasyz etýdi tapsyramyn.

Sonymen qatar, «Taldyqorǵan - Úsharal» baǵytynda gaz qubyryn tartý kerek. Bul 180 myń adam turatyn Aqsý, Sarqan, Alakól aýdandaryna gaz jetkizýge múmkindik beredi. Úkimetke osy jobany qarjylandyrýdy tapsyramyn», - dedi Prezıdent.