Taldyqorǵan turǵynynan 9 mln teńge bopsalaǵan qylmystyq top ustaldy

TALDYQORǴAN. QazAqparat - Almaty oblysynda 9 mln teńge aqsha bopsalaǵan qylmystyq top ustaldy, - dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, aqpannyń 28-i kúni Taldyqorǵan turǵyny polıtsııaǵa aryzdanǵan. Shaǵymdanýshy ózinen belgisiz adamdardyń 9 mıllıon teńge bopsalaǵanyn jetkizgen.

Іs QR QK 194 baby boıynsha tirkelip, 20-y sáýir kúni kúdiktiler arnaıy operatsııa kezinde ustaldy. Sharany Sarqan aýdandyq krımınaldyq polıtsııa basqarmasynyń qyzmetkerleri júrgizdi. 26, 28 jáne 58 jastaǵy kúdiktiler qolǵa tústi. Tintý barysynda olardyń birinen oq, qarý tárkilendi. Ustalǵandar qamaýǵa alyndy.