Taldyqorǵan turǵyny óz balasyn tutqynǵa alǵan
TALDYQORǴAN. QazAqparat - Almaty oblysynyń polıtsııasy týǵan ákesi tutqynǵa alǵan bes jasar balany qutqardy, dep habarlaıdy QazAqparat tilshisi.
Oblystyq Іshki ister departamentiniń baspasóz qyzmeti málim etkendeı, búgin tańerteń «Jastar» shaǵyn aýdanyndaǵy páterlerdiń birinde otbasylyq janjal týyndaǵany týraly habar kelip túsken.
«Oqıǵa ornyna kelgen jedel-tergeý toby 41 jastaǵy er adamnyń 5 jasar ulyn tutqynǵa alyp, balanyń ústine jyldam tutanatyn zatty quıǵanyn anyqtady. Er adam «kimde-kim páterge kirýge áreket jasaǵan jaǵdaıda, balany órtep jiberemin» dep qoqan-loqqy kórsetken», delingen habarlamada.
Kelissóz oń nátıje bermedi. Sondyqtan 13 saǵat 15 mınýt shamasynda polıtsııa arnaıy bólimshesiniń qyzmetkerleri shabýyl jasaý qajet dep sheshim qabyldaǵan.
Polıtseıler jedel áreket jasaý nátıjesinde balany bosatyp, aman alyp qaldy. Onyń denesine esh zaqym kelmegen. Kúdikti qalalyq polıtsııaǵa jetkizildi. Qazirgi ýaqytta oqıǵanyń mán-jaıy anyqtalyp jatyr.
Illıýstratsııalyq foto
