Taldyqorǵan turǵyny esirtki saqtaǵany úshin 3 jylǵa kesildi
TALDYQORǴAN. QazAqparat - Taldyqorǵan qalalyq soty 36 jastaǵy er adamdy zańsyz esirtki saqtaǵany úshin 3 jylǵa bas bostandyǵynan aıyrdy, dep habarlaıdy QazAqparat tilshisi.
Oblystyq ІІD ókilderiniń málimdeýinshe, kúdiktini byltyr kúzde eskirtki saýdasyna qarsy kúres basqarmasynyń qyzmetkerleri ustaǵan.
«Onyń úıin tekserý kezinde polıtsııa qyzmetkerleri 72 túp erekshe ısi bar, jalpy salmaǵy 8 kg keletin (erekshe iri mólsher sanatyna jatady) jasyl tústi qurǵaq ósimdikti tapty», - deıdi tártip saqshylary.
Sot ony aıypty dep tanyp, qylmystyq-atqarý júıesiniń qaýipsizdik deńgeıi ortasha mekemesine úsh jylǵa japty.
Sot úkimi zańdy kúshine endi.
Óńir polıtsııasy 2018 jyly zańsyz aınalymda júrgen 292 kg ár túrli esirtki zattary, sonyń ishinde 2 kg geroın tárkilengenin málimdedi.
Foto: rating-news.ru
