Taldyqorǵan turǵyny 11 jasar qyzǵa azǵyndyq sıpattaǵy habarlamalar jibergen

Almaty oblystyq ІІD baspasóz qyzmetiniń deregi boıynsha, qyrkúıek aıynyń sońynda Qaratal aýdandyq polıtsııasyna Úshtóbe aýlynyń turǵyny 11 jastaǵy qyzyna belgisiz er adamnyń messendjer arqyly túrli azǵyndyq sıpattaǵy habarlamalar jiberip otyratynyn aıtyp, shaǵymdanǵan.

«Jedel-izdestirý sharalary barysynda kúdiktiniń Ońtústik Qazaqstan oblysyna ketkeni jáne óz týystaryna baryp qaıtý úshin shekaradan ótpek bolǵany anyqtaldy. Osyǵan baılanysty qyzmettik issaparǵa attanǵan polıtseıler er adamdy Shymkentte ustady», - dep atap ótti oblystyq ІІD baspasóz qyzmeti.

Qazirgi tańda QR QK 124-baby «jas balalardy azǵyndyq jolǵa túsirý» boıynsha tergeý jumystary bastaldy.