Taldyqorǵan tolyqtaı karantınge jabylady degen aqparat jalǵan - ákimdik
TALDYQORǴAN. QazAqparat - Taldyqorǵan qalasy ákiminiń baspasóz hatshysy Nur Qanatuly halyq arasynda taraǵan qaýeset týraly aıtty, - dep habarlaıdy QazAqparat tilshisi.
«25 mamyr kúni Taldyqorǵan qalasy 100% karantınge jabylady degen aqparat jalǵan. Bul shyndyqqa janaspaıdy»,- dep jazdy óziniń Instagram paraqshasynda Nur Qanatuly.
Aıta keteıik, sońǵy 10 kúnniń ishinde Taldyqorǵan qalasynda koronavırýs juqtyrǵandardyń sany 36 adamǵa jetti. Eń alǵashqy jaǵdaı 14 mamyr kúni tirkeldi. Ol kezde polıtseıdiń atalǵan vırýsty juqtyryp, onyń 150-den asa adammen baılanysta bolǵanyn, onyń 85-i óziniń áriptesteri ıaǵnı tártip saqshylary ekenin habarlaǵan bolatynbyz.
Sondaı-aq, Taldyqorǵanda polıtseıler koronavırýs jaǵdaıyna baılanysty qaýipsizdik sharalaryn kúsheıtkenin jarııaladyq.
