Taldyqorǵan polıtsııasy kóshede áıeldi soqqyǵa jyqqan er adamdy izdep jatyr

TALDYQORǴAN. QazAqparat - Jetisý oblysynda áıeldi soqqyǵa jyqqan er adamǵa qatysty tergeý bastaldy, dep habarlaıdy QazAqparat.

Áleýmettik jelide er adamnyń áıel adamǵa kóshede kúsh kórsetip jatqan vıdeosy tarady.

«Beınejazba nazarǵa alynǵanyn habarlaımyz. Atalǵan oqıǵa 20 tamyz kúni keshke Taldyqorǵan qalasyndaǵy Qabanbaı batyr men Aqyn Sara kóshelerine jaqyn jerde oryn alǵany belgili boldy» dep málimdedi Іshki ister mınıstrliginiń baspasóz qyzmeti.

Qalalyq polıtsııaǵa aryz ben ótinish túsken joq.

Oǵan qaramastan fakti boıynsha janjalǵa qatysýshylardy anyqtaýǵa baǵyttalǵan qajetti izdestirý is-sharalary uıymdastyryldy.

Polıtsııa zardap shekken áıel men oqıǵa kýágerlerin 8-702-807-94-27 nemese 102 nómirleri boıynsha habarlasýdy suraıdy.

Ashy q k ó zderden alyn ǵ an foto