Taldyqorǵan polıtsııa basshysynyń qaramaǵyndaǵylardy balaǵattaǵan sózi jelide tarady
Jetisý oblystyq polıtsııa departamentiniń málimetinshe, aýdıojazba tekserilgen.
«Nátıjesinde aýdıojazbanyń eski ekeni jáne osy jyldyń qańtar aıynda túsirilgen vıdeodan alynǵany anyqtalǵan. Ol kezde vıdeoǵa qatysty tergeý júrgizilgen. Onyń qorytyndysy boıynsha Taldyqorǵan qalalyq polıtsııanyń basshysy naýryz aıynda qatań tártiptik jaýapkershilikke tartylǵan»,- dep habarlady vedomstvodan.
Buǵan deıin áleýmettik jelide Taldyqorǵan qalalyq polıtsııa basqarmasynyń bastyǵy Marat Kúshtibaevtiń qolastyndaǵy qyzmetkerlerin balaǵattap jatqany aýdıojazbasy taraǵan edi.
Eske salaıyq, 2019 jyly Іshki ister mınıstri Erlan Turǵymbaevtyń buıryǵymen Marat Kúshtibaev osyǵan uqsas minez-qulqy úshin Almaty oblysynyń jergilikti polıtsııa basshysy qyzmetinen bosatylǵan bolatyn.