Taldyqorǵan men Qapshaǵaıda jylýmen jabdyqtaý qyzmetterine tarıf tómendetildi
Tabıǵı monopolııalardy retteý komıtetiniń Almaty oblysy boıynsha departamenti «Taldyqorǵan jylý servısi» MKK-nyń jáne «Qapshaǵaı jylý» MKK-niń 2019 jyldyń qorytyndysy boıynsha tarıftik smetasynyń jáne ınvestıtsııalyq baǵdarlamalarynyń oryndalýyna taldaý júrgizgen.
«Nátıjesinde, «Taldyqorǵan jylý servısi» MKK-y úshin qaıta qarjylandyrý mólsherlemesin eskere otyryp, 42 069 913,81 teńge kóleminde negizdelmegen paıda mólsheri anyqtaldy.
Osyǵan oraı, departamenttiń 2020 jylǵy 11 mamyrdaǵy buıryǵymen «Taldyqorǵan jylý servısi» MKK-y úshin bir jylǵa 1 Gkal úshin 6 326,23 teńge mólsherinde ýaqytsha ótemdik tarıf bekitildi, ıaǵnı tarıf 1,34%-ǵa tómendetildi, bul tarıf 2020 jyldyń 1 shildesinen bastap kúshine enedi», delingen habarlamada.
«Qapshaǵaı jylý» MKK-y úshin qaıta qarjylandyrý mólsherlemesin eskere otyryp, 883 339 912 teńge negizdelmegen paıda mólsheri anyqtalǵan.
«Osyǵan baılanysty, departamenttiń 2020 jylǵy 31 naýryzdaǵy buıryǵymen «Qapshaǵaıjylý» MKK-y úshin úsh jylǵa 1 Gkal úshin 3 161,03 tenge mólsherinde ýaqytsha ótemdik tarıf bekitildi, ıaǵnı tarıf 33,66%-ǵa tómendedi, bul tarıf 2020 jyldyń 1 mamyrynan bastap kúshine enedi», delingen habarlamada.
