Taldyqorǵan mańyndaǵy jol apatynan 3 adam kóz jumdy
TALDYQORǴAN. QazAqparat - Almaty oblysynda jol apatynan úsh adam mert bolyp, taǵy úsh adam zardap shekti, dep habarlaıdy QazAqparat tilshisi.
Jol kólik oqıǵasy 27-shi qazannan 28-ne qaraǵan túni bolǵan. Taldyqorǵan mańyndaǵy Qarabulaq-Kóksý tas jolynyń 21 shaqyrymynda Volkswagen Passat jáne «KamAZ» kóligi soqtyǵysqan. Jeńil kóliktiń júrgizýshisi jáne osy mashınadaǵy eki jolaýshy oqıǵa ornynda kóz jumǵan. Taǵy úsh adam túrli dene jaraqatymen jaqyn mańdaǵy aýrýhanaǵa jetkizildi.
Atalǵan faktini oblystyq ІІD baspasóz qyzmetindegiler rastady. Qazir osy oqıǵaǵa baılanysty QR QK 345-baby 4-bóligi boıynsha is qozǵaldy. Qajetti saraptamalar taǵaıyndalǵan.
