Taldyqorǵan mańynda jeńil kólik aýdarylyp, eki adam qaza tapty
Jol-kólik oqıǵasy 1 qańtarda «Taldyqorǵan-Úshtóbe» tasjolynyń 10 shaqyrymynda boldy. 42-jastaǵy júrgizýshi «Folksvagen Golf» kóligin basqara almaı, jol jıeginen shyǵyp ketip, onyń aýdarylýyna jol berdi. Oqıǵa ornynda sheteldik nemis kóliginiń júrgizýshisi men avtokóliktegi 35-jastaǵy áıel jolaýshy qaıtys boldy.
Atalǵan derek boıynsha QR QK 345-babyna sáıkes sotqa deıingi tergeý bastaldy.
«Qurmetti jol qozǵalysyna qatysýshylar!
Taǵy da esterińizge sala keteıik, óńir aýmaǵynda (31 jeltoqsannan 4 qańtarǵa deıin) avtojoldardy qar basyp, kóktaıǵaq bolyp tur.
Osyǵan baılanysty barlyqtaryńyzdan jol qozǵalysy erejelerin qatań saqtaýdy, jyldamdyqty asyrmaýdy jáne jol qaýipsizdigi talaptaryn nazarda ustaýdy suraımyz»,-delingen polıtsııanyń habarlamasynda.
Foto: t.me/POLICE_of_KZ