Taldyqorǵan mańynda kólik apatyna túsken shaǵyn avtobýstyń jolaýshysy qaıtys boldy
TALDYQORǴAN.QazAqparat - Taldyqorǵan mańynda kólik apatyna túsken shaǵyn avtobýstyń jolaýshysy aýrýhanada jan tapsyrdy, dep habarlaıdy QazAqparat tilshisi.
«25 qarasha kúni aýrýhanaǵa jetkizilgen 1955 jylǵy Qarabulaq aýylynyń turǵyny 26 qarasha kúni tańǵy saǵat 7:10 shamasynda qaıtys boldy. Áıel adam aýrýhanaǵa óte aýyr halde túsken. Dál qazirgi ýaqytta Kóksý aýdandyq aýrýhanasynda kólik apatynan zardap shekken 4 adam jatyr. Olardyń jaǵdaıy ortasha dep baǵalanýda», - dep málimdedi Almaty oblystyq densaýlyq saqtaý departamentiniń baspasóz qyzmetinen.
Esterińizge sala keteıik, 25 qarasha kúni Almaty-Taldyqorǵan tas jolynda jolaýshy tasymaldaıtyn shaǵyn avtobýs kólik apatyna ushyrap, 7 adam aýrýhanaǵa túskenin habarlaǵan bolatynbyz. Jol-kólik oqıǵasy Kóksý aýdanyna qarasty Balpyq bı aýylyna jaqyn mańda bolǵan.
Anyqtalǵandaı, mıkroavtobýsta júrgizýshini qosqanda barlyǵy 17 adam otyrǵan. Boljam boıynsha, kólik jol jıeginen shyǵyp ketip, aýdarylǵan.
