Taldyqorǵan mańynda eń myqty búrkitter men qusbegiler anyqtalýda
TALDYQORǴAN. QazAqparat - Almaty oblysynda «Sonar-2017» qusbegiler jarysy bastaldy. Doda Taldyqorǵanǵa jaqyn jerdegi Syrymbet aýylynyń mańynda ótýde, dep habarlaıdy Qazaqparat tilshisi.
Bıylǵy saıys Qazaqstan Respýblıkasy rámizderiniń 25 jyldyǵy jáne Jalaıyr Shora atyndaǵy qusbegiler mektebiniń 30 jyldyǵy aıasynda ótip otyr.
Dodaǵa Qazaqstannyń ár aımaǵy men Qytaı jáne Mońǵolııa elinen 100-den astam qusbegi qatysýda. Olar 70-ke jýyq búrkit, qarshyǵa, ıtelgi men bıdaıyq syndy qustardy baptap ákelip otyr.
Saıys eki kezeńde ótedi. Jarystyń alǵashqy kúninde qusbegiler shyrǵaǵa salý, qoıan aýlaý ónerimen synǵa tústi.
Al aqtyq dodada qusbegiler búrkitterin túlkige salyp jarysady. Tóreshiler bul joly qyran qus pen qusbegi arasyndaǵy qarym-qatynasqa da nazar aýdarýda.
Aqtyq saıysqa 7 búrkitshi shyǵyp otyr. Qarshyǵa men ıtelginiń óneri bólek baǵalanbaq.
