Taldyqorǵan mańynda 24 jastaǵy er adam iri kólemde esirtkimen ustaldy
TALDYQORǴAN. QazAqparat - Taldyqorǵan mańynda 24 jastaǵy er adam iri kólemde esirtkimen ustaldy, dep habarlaıdy QazAqparat tilshisi.
Taldyqorǵan qalasynyń mańynda Almaty oblysy polıtsııa departamenti Esirtki qylmysyna qarsy is-qımyl basqarmasynyń qyzmetkerleri ShQO polıtsııa qyzmetkerlerimen birlese otyryp aýyr esirtkiniń iri partııasyn tasymaldaǵan er adamdy ustady.
17 shilde kúni Almaty-Óskemen tas jolynda polıtsııa qyzmetkerleri Eskeldi aýdanynyń 24 jastaǵy turǵyny basqarǵan Daewoo Lacetti kóligin toqtatty. Tártip saqshylary kólikti tekserý barysynda sıntetıkalyq esirtkige jatatyn tórt polıetılen paketke salynǵan 2 kg mefedrondy tapty.
«Qazirgi tańda kóliktiń 24 jastaǵy júrgizýshisi ýaqytsha ustaý ızolıatoryna qamaqqa alyndy. Atalǵan derek boıynsha QR QK 296-baby 4-bóligi (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) boıynsha qylmystyq is qozǵaldy» - dedi Almaty oblysy PD EQQІQB bastyǵy, polıtsııa polkovnıgi Qazbek Mýhamedov.
