Taldyqorǵan kóshesinde oq atqan kúdikti ustaldy
TALDYQORǴAN. QazAqparat - Taldyqorǵandaǵy «Statýs» oıyn-saýyq kesheniniń mańynda oq atqan kúdikti ustalyp, odan travmatıkalyq tapansha tárkilendi, dep habarlaıdy QazAqparat tilshisi.
Bul jóninde ákimdikte ótken apparatyq jıyn barysynda málim boldy. Almaty oblysynyń ákimi Amandyq Batalov quzyrly organ ókilderinen Taldyqorǵanda oq atylǵan jaǵdaı jaıly surady. Tártip saqshylary óz jaýabynda kúdiktiniń ustalǵanyn jáne travmaıkalyq tapanshanyń tárkilengenin jetkizdi.
Sondaı-aq, oblys ákiminiń baspasóz qyzmetiniń jetekshisi Ǵalymurat Júkel tapanshadan oq aspanǵa qaraı atylǵanyn aıtty.
Esterińizge sala keteıik, tamyzdyń 10-nan 11-ne qaraǵan túni Taldyqorǵandaǵy oıyn-saýyq kesheniń mańynda oq atylyp, bolǵan jaǵdaıdy kýágerlerdiń biri vıdeoǵa túsirip alǵan. Artynsha beınejazba áleýmettik jeli arqyly taralyp, halyqtyń narazalyǵyn týdyrdy. Beınejazbaǵa túsirip turǵan turǵyn «Statýs» oıyn-saýyq kesheniniń mańynda turatyn jandarǵa demalys kúnderi tynysh uıqy joq ekenin aıtady. Sonymen birge, vıdeoda oqtyń birneshe ret atylǵan daýysy jáne birneshe adamdardyń bir-birimen aıqaılasyp jatqandyǵy estiledi.
Nekotorye taldykskıe ılı netaldykskıe parnı prıhodıat otdyhat v restoran s pıstoletom. Sýrovye býdnı nashego gorodışa.
