Taldyqorǵan qalasynda dezınfektsııalaý jumystary júrgizildi
TALDYQORǴAN. QazAqparat - Taldyqorǵan qalasyn dezınfektsııalaý jumystaryna áskerı bólimder tartylyp jatyr. 18/404 áskerı bóliminiń sarbazdary qaladaǵy kópqabatty úılerdi arnaıy ertindimen tazalaýda, dep habarlaıdy QazAqparat tilshisi.
Almaty oblysynyń ortalyǵynda 753 kópqabatty úı bar. Qalanyń kommýnaldyq qyzmeti barlyǵyn jyldam ýaqytta zalalsyzdandyryp shyǵýǵa qaýqarsyz. Sondyqtan Taldyqorǵan áskerı garnızonynyń jaýyngerleri kómekke keldi. Qazirgi tańda 18/404 áskerı bóliminiń 100 sarbazy «Shyǵys» yqsham aýdanyn aralap, ár úıdi, ár kireberis pen ár qabatty natrıı gıppohlorıd ertindisin shashyp, óńdep jatyr.
Buǵan deıin olar «Qaratal» shaǵyn aýdanynyń barlyq úılerin, aýlalaryn, balabaqsha men mektepterin zalalsyzdandyryp ótti. Aldaǵy ýaqytta shahar oratalyǵy men 1,2,3,4,5,6,7 shaǵyn aýdandaryna kirisedi. Ol kezde sarbazdar sany 150-ge jetip, basqa da áskerı bólimder tartylatyn bolady, dep atap ótti qala ákiminiń orynbasary Ashat Qalıasqarov.
