Taldyqorǵan qalasynda ashyq aspan astyndaǵy kınoteatr ashyldy
NUR-SULTAN. QazAqparat - Taldyqorǵan qalasynda aspan astyndaǵy kınoteatr ashyldy, dep habarlaıdy QazAqparat tilshisi.
Alǵashqy kınotýyndy úlken ekranǵa shyǵyp ta úlgerdi. Qaladaǵy aıshyqty oryndardyń biri «Jýrnalıster úıi»-niń aldyndaǵy avtoturaqta uıymdastyrylǵan kınokórsetilim burynǵydan ózgerek boldy. Kórermen zaly avtoturaq bolsa, kelýshiler kólik ishine jaıǵasyp, týyndyny tamashalady.
Kınoteatrdan eń alǵash ret «Qunanbaı» fılmi kórsetildi. Seans 2 saǵatqa sozyldy. Taza aýadaǵy kınoteatrǵa kóptegen turǵyndar keldi. Fılm kórermenderdiń kóńilinen shyqty dese bolady.
Buqaranyń qalaýyn dóp basyp, erekshe syıdy júzege asyrýshylar Almaty oblysynyń ishki saıasat basqarmasy, «Jetisy Media» KMM-si. Ideıa avtory Elbosyn Abaı.
«Taz aýada ótkizilgen kıno kórsetilim kóptiń kóńilinen shyqty dep oılaımyn. Elde oıyn-saýyq oryndarynyń jumysy shektelgeni belgili. Al osy shara arqyly turǵyndar bir ýaqyt demalyp, onyń ústine tarıhqa kóz júgirtip, tálim-tárbıe, ómirge qajetti keńes aldy degen oıdamyn»,-deıdi jas maman Elbosyn Abaı.
