Taldyqorǵan qalasy əkiminiń orynbasary ákimniń burynǵy keńesshisin keshirýge nıetti
TALDYQORǴAN. QazAqparat - Taldyqorǵan qalasy ákiminiń orynbasary Asqar Tutybaev ákimniń burynǵy keńesshisi Almasbek Sadyrbaevty keshirýge nıetti. Tek ol Almasbek Sadyrbaevtyń əleýmettik jeli arqyly ózinen keshirim suraǵanyn qalaıdy, dep habarlaıdy QazAqparat tilshisi.
Asqar Tutybaev eks-keńesshimen tóbelesti degen aqparat áleýmettik jelide taraǵan bolatyn. Buny ákim orynbasary joqqa shyǵarady. Onyń sózinshe, Almasbek Sadyrbaev ony balaǵattap, urýǵa ərekettengen. Al istiń osynshama nasyrǵa shabýyna qujat máselesi sebep bolǵan tárizdi.
«Tutybaev meniń qujattaryma qol qoımaı, əbden sergeldeńge saldy. Jaǵdaı osylaı ýshyǵa tústi. Qazir meniń ústimnen Tutybaev aryzdanǵan. Men de qarap otyrmaımyn. Óz quqyǵymdy qorǵaımyn. Onyń ústinen quzyrly organǵa aryz jazamyn», - deıdi A. Sadyrbaev.
Al qala ákiminiń mindetin atqarýshy Tutybaev, kəsipker tarapynan qujatty alǵash ret tapsyrylǵanda qol qoıyp bergenin aıtady.
«Ol jerde əkim orynbasarynyń qoly tur eken. Sondyqtan qoldy qoıyp berdim. Biraq ol qaǵazdan qate shyǵyp, jaramsyz bolyp qalypty. Al ekinshi ret əkegende taǵy da qate ketpesin dep, tolyq tekserip, qol qoıatynymdy aıttym. Óıtkeni bul sýbsıdııa boıynsha tólenetin qarjy. Aqshasy da qomaqty. 7,5 mln teńgeden asady. Biraq Sadyrbaev meniń aıtqynyma kónbedi. Ózimdi balaǵattap, urýǵa ərekettendi. Sol sebepti men onyń ústinen quzyrly organǵa aryz túsirdim. Biraq biz burynnan tanyspyz ǵoı. Bir salada jumys istedik. Əriptesim boldy. Sondyqtan əleýmettik jeli arqyly keshirim surasa, keshirýge nıettimin», - deıdi A. Tutybaev.
Esterińizge sala keteıik, Taldyqorǵan qalasy ákiminiń eks-keńesshisi Almasbek Sadyrbaev qala ákiminiń orynbasarymen bolǵan jaıtty əleýmettik jelige jarııalap, zańgerlerden kómek suraǵan bolatyn. Jeli qoldanýshylarynyń qyzý talqysyna túsip, narazylyǵyn týdyrtty. Qazir atalǵan jaıt Almaty oblystyq Memlekettik qyzmet isteri jəne sybaılas jemqorlyqqa qarsy is-qımyl departamentiniń baqylaýynda.
