Taldyqorǵan qalasy Astanaǵa qarap boı túzeıdi -Amandyq Batalov
TALDYQORǴAN. QazAqparat - Taldyqorǵan qalasynyń kópqabatty úılerin abattandyrýda Astanany úlgi etetin bolady. Almaty oblysynyń ákimi Amandyq Batalov qaramaǵyndaǵylardan osyny talap etti, dep habarlaıdy QazAqparat tilshisi.
Jańa qurylys nysandaryna erekshe mán berý kerektigin eskertken oblys basshysy kógaldandyrýda aǵashtardyń, gúlzarlardyń sáýletin de eskerý qajet ekendigin aıtty.
Amandyq Batalov Astanaǵa barǵan saıyn kóshelerin sýretke túsirip mysal retinde kórsetetinin aıtyp, «mundaı damý úrdisi bizdiń qalamyzdy da aınalyp ótpeý kerek» dep atap ótti.
Ákimdiktiń keńeıtilgen otyrysynda óńir basshysy jańa yqsham aýdandarda orta jáne shaǵyn bıznestiń damýyna jaǵdaı týǵyzyp, halyqqa qyzmet kórsetý nysandaryn ashý máselesin de alǵa tartty.
