Taldyqorǵan qalasy ákiminiń eks-keńesshisi bostandyqqa shyqty
TALDYQORǴAN.QazAqparat - Taldyqorǵan qalasy ákiminiń orynbasary Asqar Tutybaevty urdy dep aıyptalǵan Almasbek Sadyrbaevtyń jazasy jeńildedi, dep habarlaıdy QazAqparat tilshisi.
Osydan bir aı buryn sot Almasbek Sadyrbaevqa bir jylǵa bas bostandyǵynan aıyrý jazasyn taǵaıyndaǵan bolatyn. Bul sheshimmen kelispegen sottalýshy oblystyq sotqa apellıatsııalyq shaǵym túsirdi. Osyǵan sáıkes, Sadyrbaevqa taǵaıyndalǵan bas bostandyǵynan aıyrý jazasy bas bostandyǵynan shekteý bolyp ózgertildi. Sondaı-aq, sot ony birden túzeý mekemesinen bosatý jóninde sheshim shyǵardy. Apellıatsııalyq sottyń sheshimin qamaýda kútken Sadyrbaev úsh saǵattyń ishinde bostandyqqa shyqty.
Esterińizge sala keteıik, Taldyqorǵan qalasy ákiminiń orynbasary bolǵan Asqar Tutybaev pen Almasbek Sadyrbaevtyń arasyndaǵy kıkiljiń jaz aıynda boldy. Sol kezde Sadyrbaev «urdy» dep Taldyqorǵan qalasynyń ákiminiń orynbasary A. Tutybaev aryz jazyp, is sotpen aıaqtalǵan bolatyn. Al osy jaıttan keıin sheneýnik - Taldyqorǵan qalasy ákiminiń orynbasary bolǵan Asqar Tutybaev óz erkimen jumystan ketip qaldy. Al istiń nasyrǵa shabýyna qoıdyń júnine tólenetin sýbsıdııa qujatyna sheneýniktiń qol qoımaýy sebep bolǵan.
