Taldyqorǵan aýrýhanasynda bir jyl ishinde 5 myńǵa jýyq operatsııa jasaldy
Atap aıtqanda tramvatologııa bóliminde 14 baǵyt boıynsha - 485 ota, oftalmologııada 391, ýrologııa bóliminde 47 operatsııa jasaldy. Sondaı-aq, 2017 jyldan bastap aýrýhanada kózdiń janaryn lazerlik túzetý operatsııany qolǵa alyndy.
«Qazirgi tańda oblys jáne qala turǵyndary kórý qabiletin qalpyna keltirý úshin Almatyǵa sabylmaıdy. Mundaı ota 42 naýqasqa jasaldy. Medıtsınalyq mekeme negizinde gepatologııalyq bólim ashyldy. Al travmatologııa pýnkti táýlik boıy jumys isteıdi. Bul jetistiktiń bári memlekettik baǵdarlamalardyń arqasynda múmkin bolyp otyr», - deıdi mekeme basshysy Sáýle Qusmoldanova.
Bas dáriger Elbasynyń bıylǵy Joldaýynda aıtylǵan mindetterdi júzege asyrýǵa kópsalaly aýrýhana qyzmetkerleriniń tehnıkalyq jáne adamı kapıtalynyń jetkilikti ekenin tilge tıek etti.
Aıta ketý kerek, búgin Taldyqorǵan qalasyndaǵy kópsalasy aýrýhanada qala ákimi Baǵdat Qarasaevtyń qatysýymen jıyn ótti. Keńeste shahar boıynsha densaýlyq saqtaý mekemeleriniń 2017 jyly atqarylǵan jumystary jáne 2018 jylǵa jospary jaıly talqylandy.
