Taldyqorǵan áýejaıynyń ekinshi qyzmetkeri kóz jumdy
TALDYQORǴAN. QazAqparat - Taldyqorǵannyń áýejaı qoımasynda bolǵan órtten denesiniń 87 paıyzy kúıgen Rústem Musabekov kóz jumdy, dep habarlaıdy QazAqparat tilshisi.
Qalalyq aýrýhananyń jansaqtaý bóliminde bes kún jatqan Musabekovtyń beti beri qaramady. Ol esin jımastan kóz jumdy. 1979 jylǵy Rústem Musabekov áýejaıda janar-jaǵarmaı tehnıgi bolyp jumys istegen.
Esterińizge sala keteık, ótken beısenbide Taldyqorǵan áýejaıynyń janar-jaǵarmaı qoımasynda órt shyǵyp, ony eki azamat ózdigimen óshirýge tyrysqan. Ózderi otqa oransa da bar kúshimen janarmaı quıylatyn qubyrdyń burandasyn jaýyp, úlken apattyń aldyn aldy.
Áýe qaýipsizdigi qyzmetiniń ınspektory bolǵan 1973 jylǵy Rahat Kámetaevtyń denesiniń 95 paıyzyn kúıik shalyp, ol aýrýhanaǵa jetkizilgennen keıin kóp uzamaı kóz jumǵan edi. Al Rústem Musabekovtyń ómirin aman alyp qalý úshin mamandar Almatydan da shaqyryldy. Biraq onyń alǵan jaraqatttary tym aýyr boldy.
