Taldyqorǵan ákiminiń orynbasary men eks-keńesshiniń soty ótetin kún belgilendi
TALDYQORǴAN. QazAqparat - Taldyqorǵan qalasy ákiminiń orynbasary Asqar Tutybaev pen qala ákiminiń eks-keńesshisi Almasbek Sadyrbaevqa qatysty istiń soty ótetin kún belgili boldy, dep habarlaıdy QazAqparat tilshisi.
Basty sot otyrysy 28 tamyzǵa belgilendi. Protsess Taldyqorǵan qalalyq sotynda saǵat 16:30-da bastalady. Іsti sýdıa A. S. Toqtybakıeva qaraıdy. Atalǵan iste Taldyqorǵan qalasy ákiminiń orynbasary Asqar Tutybaev eks-keńesshi Almasbek Sadyrbaevty sotqa berip otyr. Qazir Almasbek Sadyrbaevqa QR QK 380-baby birinshi bóligi (bılik ókiline qatysty ómirine nemese densaýlyǵyna qaýipti emes kúsh qoldaný) boıynsha aıyp taǵylýda.
Esterińizge sala keteıik, buǵan deıin Almasbek Sadyrbaev qala ákiminiń orynbasary A. Tutybaevpen ákimdikte tóbeleskendigi týraly Feısbýktegi paraqshasynda jazǵan bolatyn .
Al ákim orynbasary bul jaıtty joqqa shyǵardy. Tutybaevtyń sózinshe, Almasbek Sadyrbaev ony balaǵattap, urýǵa umtylǵan kórinedi. Al istiń osynshama nasyrǵa shabýyna Tutybaevtyń qujatqa qol qoımaýy sebep bolǵanǵa uqsaıdy. Alaıda ákim orynbasary «alǵashqy qujatqa qol qoıyp berdim, biraq onysy jaramsyz bolyp qaldy», degen bolatyn.
