Taldyqorǵan ákimi karateden álem chempıonymen kezdesti
TALDYQORǴAN. QazAqparat - Búgin Taldyqorǵan ákimi Baǵdat Qarasaev kıokýshınkaı karateden álem chempıony, óz tıtýlyn Reseıdiń Habarovsk qalasynda ótken biriktirilgen chempıonatta jeńip alǵan Mereı Súıinovti qabyldady.
Qala ákimi chempıonǵa barlyq taldyqorǵandyqtardyń atynan otandyq sportqa qosqan úlesi úshin alǵysyn bildirip, karateden qara beldik, ІІ dan ıegeri Mereı Súıinov chempıondyq jolyn jalǵastyratynyna úmitin bildirdi.
Óz kezeginde Mereı sport - onyń ómiri ekenin atap ótti. On jastan bastap tabandy jattyǵyp júrgen ol búginde óskeleń urpaqty shyǵys jekpe-jekteri túrleri boıynsha daıyndap keledi. «Bul sizdiń Otanǵa degen súıispenshiligińiz ben mahabbatyńyzdyń kórsetkishi. Sizdiń sporttaǵy jetistikterińizdi maqtan etemiz», - dep atap ótti Baǵdat Qarasaev. Ol sondaı-aq Taldyqorǵan ákimdigi aımaqtaǵy sportty damytý boıynsha bastamalardy qoldaıtynyn qosyp ótti.
