Taldyqorǵan ákimdiginiń jetimderdi baspanamen qamtý jobasy tıimsiz bolyp shyqty
«Jetisý jastary» atty baǵdarlama 35 jasqa tolmaǵan jastardy baspanamen qamtý úshin ázirlengen. Osy maqsatta bıýdjetten 400 mln teńge bólingen. Joba aıasynda esh jerde jumys istemeıtin jastar baspanany arzan paıyzben alýǵa múmkindik alýy tıis bolǵan. Biraq, Taldyqorǵannyń ákimdigi bul baǵdarlamamen tek ata-ana qamqorlyǵynsyz qalǵan jáne jetim jastar ǵana ala alady dep múmkindikti shektegen. Qazir bul baǵdarlamaǵa ótinish berýshiler múldem az. Sebebi, jetim jáne ata-ana qamqorlyǵynsyz qalǵandar memlekettiń arnaıy bekitilgen sanaty boıynsha baspanaly bola alady. Sol sebepti, bul baǵdarlamaǵa qyzyǵýshylyq tanytyp otyrǵandar óte az bolyp otyr.
«Taldyqorǵan qalasynyń ákimdigi men Otbasy bank birlesip, jetim balalar men ata-ana qamqorlyǵynsyz qalǵan jastarǵa arnalǵan jeńildetilgen «Jetisý jastary» 0-5-25 baǵdarlamasy júzege asyrýda. Alaıda, 5 aı ishinde 11-aq ótinim qabyldanyp, onyń 3-ýi ǵana Otbasy bankiniń talaptaryna sáıkes kelgen. Jumys osylaı jalǵasatyn bolsa, jyl sońyna deıin baǵdarlamaǵa bólingen 400 mln teńge (40 páterge) ıgerilmeýi múmkin. Osyǵan baılanysty Otbasy banki, Jastar ortalyǵy jáne Taldyqorǵan qalalyq ákimdigi atalǵan sanat boıynsha kezekte turǵan ár azamatpen jumys júrgizip, qarajattyń tolyq ıgerilýin qamtamasyz etýi qajet», - dedi Jetisý oblysy ákiminiń orynbasary Rýstam Álı.
Taldyqorǵan qalasy boıynsha jetim jáne ana-ana qamqorlyǵysyz qalǵan jastar sany - 1310 adam. Eger 40 páter alýshy ótinish bermese, onda «Jetisý jastary» baǵdarlamasynyń erejesine ózgeris engizý qajet.
