Taldyqorǵan ákimdiginiń bólim basshysyna qatysty daýly vıdeo jarııalandy
TALDYQORǴAN. QazAqparat - Taldyqorǵan qalalyq ákimdiginiń bólim basshysyna qatysty daýly vıdeo jarııalandy. Beınejazbany túsirip turǵan avtor áıeldi uryp jatqan sheneýnik ekenin aıtady, dep habarlaıdy QazAqparat tilshisi.
Sondaı-aq vıdeoda ishimdik ishken sheneýnikti polıtsııa qyzmetkerleri toqtatyp, arnaıy saraptamaǵa aparǵany kórsetiledi. Sonymen qatar, tún ortasynda karaokelerdiń birinde memlekettik qyzmetkerlerdiń qyzmettik kólikpen júrgeni anyq túsirilgen. Onyń ishinde Taldyqorǵan qalasy ákiminiń orynbasary da bar.
Taldyqorǵan qalasy ákiminiń baspasóz qyzmeti daýly vıdeoǵa qatysty qyzmettik tekserý bastalǵanyn habarlady. Oqıǵaǵa qatysty qosymsha málimet jarııalaıtyndaryn jetkizdi. Vıdeoda áıeldi urǵan er adamnyń Taldyqorǵan qalalyq ákimdiginiń bólim basshysy ekenin rastady.
