Taldykól mańyndaǵy 6 myń gektarǵa jýyq jer abattandyrylady
NUR-SULTAN. QazAqparat – Elorda mańyndaǵy Taldykólde 5700 gektar aýmaq abattandyrylmaq. Bul týraly Nur-Sultan qalasy sáýlet, qala qurylysy jáne jer qatynastary basqarmasynyń basshysy Nurlan Uranhaev málim etti, dep habarlaıdy QazAqparat tilshisi.
«Sońǵy 2 jyl boıy turǵyndardan «Taldykól bolǵan ba jáne ol tarıhı kól me?» dep suraýmen kelemin. Jaýap ártúrli. Odan bólek, mende 1976 jyly ǵaryshtan túsirilgen sýret bar, onda Taldykól anyq kóringen, biraq onyń janynda eshteńe joq. ıAǵnı Kishi Taldykól degen kól joq, ol - jaı ǵana sýly-batpaq. Sondyqtan da Kishi Taldykóldi kól dep aıtýǵa bolmaıdy», - dedi Nurlan Uranhaev elorda ákimdiginde ótken baspasóz máslıhatynda.
Sondaı-aq, basqarma basshysy Taldykóldiń mańynda qurylys jumysy bastalyp, kól mańy abattandyrylatynyn aıtty.
«Kishi Taldykól áńgimesi 2 jyldan beri sozylyp keledi. Ol - kól emes, kerisinshe zııandy, qaldyq sý-batpaq, onyń saldarynan jer ekologııalyq erozııaǵa ushyryp jatyr. Bizdiń bar kóldi joıý oıymyz joq. Kerisinshe batpaqty sýdy tazartyp, adam ıgiligine jaratpaqpyz. Al Taldykóldiń ózinde 5700 ga jer abattandyrylady. Sondaı-aq, ekologtarǵa arnalǵan oryn ashý jospary da bar. Jáne úı batpaqty sýdyń ústine emes, Taldykóldiń boıyna salynady», - deıdi ol.
Buǵan deıin Nurlan Uranhaev Taldykóldiń florasy men faýnasy týraly aıtqan edi.
Onyń aıtýynsha, atalǵan kólde elimizdiń Qyzyl kitabyna engen 200 shamasynda qus jáne 90 ósimdik túri bar.
