Taldyqorǵandyq stýdentter taýyqtyń jańa tuqymyn shyǵardy
TALDYQORǴAN. KAZINFORM — Іlııas Jansúgirov atyndaǵy Jetisý ýnıversıtetiniń stýdentteri taǵamdyq qundylyǵy men biregeı bıologııalyq qasıetimen erekshelenetin «Kazaukana» atty qara taýyqtyń tuqymyn shyǵardy.
Zertteý nátıjesi bul qustyń boıynda basqa taýyqtarǵa qaraǵanda aqýyz, myrysh jáne temir kóp ekenin kórsetti. Mamandar taýyq eti durys tamaqtaný úshin erekshe ónim ekenin aıtty.
«Kazaukana» taýyǵynyń ereksheligi onyń syrtqy túrinen de kórinedi. Onyń tek syrt kelbeti emes, sonymen birge eti de qara tústi. Jumyrtqalary tabıǵı túrli-tústi. Basqa qara taýyqtarmen salystyrǵanda onyń qorǵanysh saqaly jáne kishkentaı burshaq tárizdi noqaty bar. Bul erekshelik qustarǵa aıazda úsip qalmaýǵa kómektesedi. Taýyqtyń bul túri sýyq klımattaǵy fermerler asa qajet.
Qusty ósirý úshin stýdenttik top 5 tuqymdy paıdalandy. Atap aıtqanda, Ameraýkana, Aıam Tsemanı, Leggorn, malaızııalyq jekpe-jekke arnalǵan jáne jergilikti aralas tuqymdy taýyqtar.
— Bizdiń jobanyń ataýy — Gallus. Ol latynnyń taýyq tárizdi ǵylymı ataýynan shyqqan. «Kazaukana» ataýy «Ameraýkanadan» (jasyl jumyrtqa salatyn tuqym) paıda boldy. Ondaǵy «amerıkandyq» sózi «qazaq» dep aýystyryldy. Ameraýkana taýyqtardyń basqa tuqymdaryn shyǵarýǵa sebep boldy. Onyń ereksheligi kóp, biraq kemshilikteri de az emes. Ol shamadan tys úrkek jáne jumyrtqany az basady, — deıdi joba avtory Asqar Rahımov.
«Kazaukana» tuqymy Qazaqstannyń klımatyna beıimdelgen. Ol kútimdi az qajet etedi jáne kez kelgen qolaısyz jaǵdaıǵa tózimdi. Qustyń ortasha salmaǵy 3,5 kelige jetedi. Al ómir súrý uzaqtyǵy — 2,5 jyl. Sondaı-aq bir taýyq jylyna 300-320 jumyrtqa basyp shyǵarady.
Aıta keteıik, astanalyq oqýshy 1 mınýtta kýbık rýbık jınaıtyn robot jasap shyǵarǵan bolatyn.