Taldyqorǵandaǵy saıabaqtan jeke tulǵalarǵa zańsyz berilgen jer memleketke qaıtaryldy
TALDYQORǴAN. KAZINFORM - Taldyqorǵan qalasy prokýratýrasy bastamasymen júrgizilgen jospardan tys tekserý nátıjesinde Jetisý oblysy Jer resýrstaryn basqarý departamentiniń Jer kodeksin buzý faktisi anyqtaldy.
Atap aıtqanda, 35,4 gektar aýmaqty alyp jatqan orman qorynyń jerleri zańsyz túrde jeke menshikke berilgen.
Jerler Taldyqorǵan qalasynyń saıabaq aımaǵynda ornalasqan.
«Jer kodeksin buzý faktisi anyqtalǵandyqtan, Jetisý oblysynyń mamandandyrylǵan aýdanaralyq ekonomıkalyq soty Taldyqorǵan qalasy ákimdiginiń jer ýchaskesin berý týraly qaýlysyn kúshin joıý týraly sheshim shyǵardy. Atalǵan jer ýchaskelerimen baılanysty satyp alý-satý, syıǵa tartý jáne muragerlik quqyǵy týraly kýáliktiń barlyǵy jaramsyz dep tanyldy», — dep jazdy AShM baspasóz qyzmetinen.
Sot sheshimine qarsy jaýap berýshiler apellıatsııalyq shaǵym berdi. Jetisý oblysynyń sotynyń azamattyq ister jónindegi sot alqasynyń qaýlysymen apellıatsııalyq shaǵym qanaǵattandyrylmaı, birinshi ınstantsııa sotynyń sheshimi ózgerissiz qaldy.
