Taldyqorǵandaǵy ortalyq saıabaq senimgerlik basqarýǵa berildi
TALDYQORǴAN. KAZINFORM — Taldyqorǵanda ortalyq saıabaq aýktsıonǵa shyǵaryldy. 10-shy jeltoqsanda tender qorytyndysy jarııalanyp, saıabaqtyń soltústik bóligin «Taldyqorǵan Kórkeıtý» JShS aldy.
Bıyl kóktemde Taldyqorǵan qalalyq ákimdigi Ortalyq saıabaqty kúrdeli jóndeýden ótkizýge tender jarııalaǵan. Buǵan qazynadan mıllıard teńgeden astam qarjy bólý josparlanǵan edi. Alaıda sheneýnikter lottan bas tartyp, saıabaqty senimgerlik basqarýǵa berýge sheshim qabyldaǵan.
— Ortalyq saıabaqty kútip ustaý úshin 2024 jylǵy 22 qarashada „Memlekettik múlik tizilimi“ veb-portalynda ortalyq saıabaqty keıinnen satyp alýsyz 5 jyl merzimge senimgerlik basqarýǵa elektrondyq tender jarııalandy. Bıyl 10-jeltoqsanda tender qorytyndysy boıynsha jeńimpaz bolyp „Taldyqorǵan Kórkeıtý“ JShS anyqtaldy», — deıdi Taldyqorǵan qalalyq ákiminiń baspasóz qyzmeti.
Ortalyq saıabaqty senimgerlik basqarýǵa alǵan mekemege mynadaı talaptar qoıylǵan:
— saıabaqqa kútim jasaý jáne sonymen birge tıisti tehnıkalyq qyzmet kórsetý jáne tehnıkalyq qyzmet kórsetý úshin arnaıy jabdyq bolýy kerek;
— kúndelikti qoqys pen qardy, dárethanany, kógaldy tazalaý, qoqys jáshikterin dezınfektsııalaý;
— órt qaýipsizdigi men sanıtarlyq normalardy qadaǵalaý;
— obektiniń tutastyǵy men qaýipsizdigin qamtamasyz etý jáne t. b. Jalpy Taldyqorǵan qalasyndaǵy 7 saıabaq senimgerlik basqarýǵa berilgen.
Eske salaıyq osyǵan deıin Jetisýda aýdıt teksergen memlekettik satyp alýdyń 92%-ynan kemshilik anyqtalǵanyn jazǵanbyz.