Taldyqorǵandaǵy kásiporynǵa 24 myń tonna qoqys qabyldaǵany úshin 2,3 mlrd aıyppul salyndy
ASTANA. KAZINFORM – Jetisý oblysynyń prokýrorlary kommýnaldyq qaldyqtardy kádege jaratý qyzmetin kórsetetin kásiporyn mindetti tólemderdi tóleýden jaltarǵanyn anyqtady – dep jazady Jetisý oblysynyń prokýratýrasy.
Kásiporyn 2020-2023 jyldar aralyǵynda Taldyqorǵan qalasyndaǵy turmystyq qatty qaldyqtar polıgonyna qyzmet kórsetken. Esepke sáıkes kásiporyn osy kezeńde polıgonda 24 myń tonna kóleminde turmystyq qatty qaldyqtar qabyldan. Tekseris barysynda 41 kontragent anyqtalyp, polıgonǵa 138 myń tonnadan astam qoqys tasymaldaǵany belgili bolyp otyr.
Bul Kásiporynnyń resmı esepterinde kórsetilgen kórsetkishten 114 myń tonnaǵa artyq.
Qadaǵalaý aktisine sáıkes Kásiporyn ÁQBtK-niń 328-babynyń 1, 6-bóligi boıynsha qaldyqtardy jınaqtaý jáne qorshaǵan ortaǵa emıssııalar shyǵaryndylarynyń lımıtterin asyrǵany úshin ákimshilik jaýapkershilikke tartyldy.
Kásiporynǵa 2,3 mlrd teńge mólsherinde aıyppul salyndy.
